Grop Contes e istòrias en lenga nòstra, clicar aquí

Autouno, pèr Teoudor Aubanel, en escrituro mistralenco

Tout se passis, tout gingoulo ;

La piboulo

Gito sa fuèio au Mistrau ;

Plego coume uno amarino,

E cracino

Au rounfla dóu vènt-terrau.

Au champ i’a plus ges d'espigo ;

Li fourmigo

Sorton plus foro si trau ;

Alongo plus si baneto

La mourgueto ;

S’estrèmo dins soun oustau.

Sus l'éuse ges de cigalo

La fre jalo

Si mirau e si cansoun ;

L’enfant de la granjo ploura ;

Ges d'amouro,

Ges de nis dins li bouissoun.

Mai un vòu de couquihado[1]

Esfraiado

Mounto e pièuto dins li niéu ;

Li chin japon : de tout caire

Li cassaire

Tiron de cop de fusiéu.

Darrié li bos sènso oumbrage,

Sèns ramage,

S'es escoundu lou soulèu :

Dins li vigno rapugado

E poudado

Li femo fan de gavèu.

[1] Alouette huppée

Autona, per Teodòr Aubanel, en escritura dicha classica

Tot se passís, tot gingola ;

La píbola

Gita sa fuèlha au Mistrau ;

Plega come una amarina,

E cracina

Au ronflar dau vent-tèrrau.

Au champ i’a plus ges d'espiga ;

Lei formigas

Sorton plus fòra seis traucs ;

Alonga plus sei banetas

La morgueta ;

S’estrema dins son ostau.

Sus l'euse ges de cigala

La freg jala

Sei miraus e sei cançons ;

L’enfant de la granja plora ;

Ges d'amoras

Ges de nis dins lei boissons

Mai un vòu de coquilhadas[1]

Esfraiadas

Monta e piuta dins lei níus ;

Lei chins jaupan : de tot caire

Lei caçaires

Tiran de còps de fusiu.

Darrièr lei bòscs sens ombratge,

Sensa ramatge,

S'es escondut lo soleu :

Dins lei vinhas rapugadas

E podadas

Lei femnas fan de gavèus.

Automne, par T. Aubanel

Tout se flétrit, tout geint ;

Le peuplier noir

Jette sa feuille au Mistral ;

 Il plie comme une amarine

Et grince au souffle du vent de terre.[2]

Au champ il n'y a plus aucun épi

Les fourmis

Ne sortent plus hors de leur trou ;

Elle n'allonge plus ses petites cornes

La mourguette[3] ;

Elle se met à l'abri dans sa maison.

Sur l’yeuse aucune cigale

Le froid gèle

Son mirau[4] et ses chansons ;

L'enfant de la grange pleure ;

Aucune mûre

Aucun nid dans les buissons.

Mais un vol d'alouettes

Effrayées

Monte et pépie dans les nues ;

Les chiens jappent : de tous côtés

Les chasseurs tirent des coups de fusil.

Derrière les bois sans ombrage,

Sans ramage,

S’est caché le soleil :

Dans les vignes grapillées

Et taillées

Les femmes font des fagots de javelles.

[1] Alouette huppée

[2] Le Mistral

[3] Escargot petit-gris.

[4] Membrane luisante et sonore sous le ventre de la cigale

Per tornar a la pagina contes per totei, mercé de clicar aquí

Per tornar a la pagina autreis autors, mercé de clicar aquí