Grop Contes e istòrias en lenga nòstra, clicar aquí

Una passada dei requistas,

version provençala dicha normalisada 

S’esforçava lo Pèire Cabridan de pas tròp agachar leis autrei futurs papàs tancats aquí, dins la sala d’espèra de la maternitat. Per que se podiá dire que la conneissiá ben, eu, lo Pèire Cabridan, aquela sala d’espèra. Sa femna, la Cabridana come se disiá, esperava son seten e lo regard deis òmes novicis en la matièra, auriá pogut cercar auprès d’eu un pauc de reviscolada. De fach, d’unei cercavan son regard e riscavan un risolet, mai lo Cabridan crenhiá de legir una lusor maliciosa.

Fau dire que lo Cabridan èra força conegut a Sant-Andrieu de Valfons. Pensatz, èra plombier, lo plombier unic, e un plombier dei requists. Se sabiá tanben qu’aviá adeja sièis dròllas e que per aquò se sentiá tocat dins son imatge de mascle. Voliá un fiu !

Segon leis archius, leis Cabridans èran la familha mai vièlha dau vilatge, mai aqueu d’aquí de Cabridan n’èra lo darrier residú, mascle, de Sant-Andrieu.

S'en comptava pas mens d’una dotzena sus lo monument dei mòrts, de Cabridans. La contribucion mai granda de la comuna au chaple grand de 14-18.

D’autreis avián quitats lo vilatge entre lei doas guèrras per faire l’obrier o lo foncionari en vila, e lo liame entre aquelei d’aquí e Sant-Andrieu s’èra estirat, ben talament que se sabiá plus s’èran totjorn mòrts o vivents, ni mai s’avián dei rebrots. D’autrei, quora èran demorats a Sant-Andrieu e avián congreats que dei dròllas, quora èran mòrts vièlhs jovenòmes, e de segur lo nom se perdriá emé lo Pèire. E aquò lo carcanhava, lo Cabridan, e come se sabiá qu’aquò lo carcanhava, se geinava pas de picar aquí que fasiá mau. Talament tant qu’ausava pas mai se faire a petanca dempuei que lo Veran Rasclet, lo director de la BMEPO (Banca Mutuala d’Esparnhe Populara Occitana) e òme de la Viviana, la regenta, i aviá conselhat de cambiar de bòchas un jorn qu’aviá mancat un palet, emé un ton tan trufàreu que cadun aviá comprés l’allusion e n’aviá ris.

Fins au jorn que lo Francés Morre, lo farmacian, ié aviá parlat d’un regim que permetiá au mond de chausir lo sèxe de l’enfant a venir.

Un regim ric en carn e en peis, emé força sòdi. Èra pas talament estrambordada la Cabridana per lo veso d’una setena grossesa, mai en bòna catolica e en bòna esposa ausèt ren dire…

Adoncas faguèt lo plen de consèrvas de sardinas, de ton, e de carnsalada divèrsa, lo Cabridan. En guisa d’entremiés per la Cabridana. Qu’après la femna deviá engolir un bistecaràs large qu’es una idea de penible crèire, matin, miegjorn e ser. E lo Cabridan la quichava sempre per qu’ajustèsse de sau, mai de sau. Ié restava pus que d’obrar emé fe e vam, au Cabridan, per que lo regim e seis assauts ensems balhèsson son fruch.

Quand enfin lo tèst de grossesa testimonièt que lo Cabridan s’èra pas afanat de badas, lo pareu prenguèt rendètz-vos emé lo mètge de familha. Aqueu d’aquí escotèt emé atencion l’òme explicar, mai qu’ufanós, come la Cabridana aviá segut lo regim dau farmacian per aguer enfin un mascle.

Mai lo sorire se calhèt en desgaunhada quand lo doctor ié expliquèt pacientament que ren èra segur e tanben aquela istòria de cromosòmas X e Y. S’enseguiá d’aquela explicación qu’èra aqueu fan de puta de cromosòma Y que decidariá dau sèxe e qu’aqueu putanier èra la contribución du paire solet...

N’èra espantat lo Cabridan. Se seriá donc arroïnat en bistecaràs larges e espés que se pòt pas dire per la Cabridana ? Aquela d’aquí auriá pres trenta quilòs e s’èra arroïnada la santat per un putaràs de regim de… ? Baste !

E vaquí que lo moment de veritat èra enfin arribat.

S’enveniá vèrs eu la baila, tota risolièra, emé ai braç lo ninet empaquetat dins una servieta, i’afortissent que tot s’èra ben passat.

Premier, esquilhèt la man sota la servièta lo Cabridan per veire se l’aucèu èra ben dins lo nis. O pas.

E aquí, aquí, lo coneguèt SON sàssic dei requists lo Cabridan. Ié èra, l’aucèu, de verai ié èra ! Èra un dròllet, e un brave galhard a en jugar per la grossor de l’aisina ! En creguèt de plorar de jòia lo Cabridan...

Fins que sei neurònas aguèron descodat lei rasons que la Martina veniá de prononciar :

- Me vouguèsses ben largar lo pichòt det me podriáu ocupar de ta drolleta, Pèire...

Uno passado di requisto, version prouvençalo mistralenco 

S’esforçavo, lou Pèire Cabridan, de pas trop agacha lis autri futur papa tanca aqui, dins la salo d’espèro de la maternita. Per que se poudié dire que la couneissié ben, eu, lou Pèire Cabridan, aquelo salo d’espero. Sa femno, la Cabridano coume se disié, esperavo soun seten e lou regard dis ome nouvici en la matièro, aurié pogu cerca auprès d’eu un pau de reviscolado. De fa, d’uni cercavon soun regard e riscavon un risoulet, mai lou Cabridan cregnié d’ié legi uno lusour maliciouso.

Fau dire que lou Cabridan èro forço counegu a Sant-Andrieu de Valfoun. Pensas, èro ploumbié, lou ploumbié unic, e un ploumbié di requist. Se sabié tanben qu’avié adeja sièis drollo e que per aco se sentié touca dins soun image de mascle. Voulié un fiu !

Segoun lis archiéu, li Cabridan èron la famiho mai vièio dóu vilage, mai aquéu d’aqui de Cabridan n’èro lou darrié residu, masclo, de Sant-Andrieu.

S'en coumptavo pas mens d’uno douzeno sus lou mounumen di morts, de Cabridan. La countribucioun mai grando de la coumuno au grand chaple de 14-18.

D’autri avien quita lou vilage entre li dos guèrro per faire l’oubrié ou lou founciounàri en vila, e lou liame entre aqueli d’aqui e Sant-Andrieu s’èro estira, ben talamen que se sabié plus s’èron toujour mort ou vivent, ni mai s’avien di rejitoun. D’autri, quouro èron demoura a Sant-Andrieu e avien coungreia que di drollas, quouro èron mort vièi jouvenome, e de segu lou noum se perdrié emé lou Pèire. E aco lou carcagnavo, lou Cabridan, e coume se sabien qu’aco lou carcagnavo, se geinavon pas de pica aqui que fasié mau. Talamen tant qu’ausavo pas mai se faire a petanco dempièi que lou Veran Rasclet, lou directour de la BMEPM (Banco Mutualo d’Espargne Poupulàri dóu Miejorn) e ome de la Viviano, la regento, i’ avié counseia de cambia de bocho un jour qu’avié manca un palet, emé un toun tan trufàreu que cadun avié coumprés l’alusioun e n’avié ris.

Fins au jour que lou Francés Mourre, lou farmacian, ié avié parla d’un regime que permetié au mounde de chausi lou sèxe de l’enfant a veni.

Un regime ric en car e en peis, emé forço sodi[1]. Èro pas talamen estrambourdado la Cabridano per lou veso d’uno seteno grousseso, mai en bono catoulico e en bono espouso ausè ren dire…

Adounc faguè lou plen de counservo de sardino, de toun, e de carsalado divèrso, lou Cabridan. En guiso d’entremiés per la Cabridana. Qu’après la femno devié engouli un bistecaras large que se pou pas dire, matin, mièjour e ser. E lou Cabridan la quichavo sempre per qu’ajustèsse de sau, mai de sau. Pièi, ié restè pus que d’oubra emé fe e vanc, au Cabridan, per que lou regime e sis assaut ensèn baièssoun soun fru.

Quand enfin lou tèst de grousseso testimouniè que lou Cabridan s’èro pas afana de-bado, lou pareu prenguè rendès-vous emé lou mège de famiho. Aquéu d’aqui escoutè emé atencioun lo ploumbié explica, mai qu’ufanous, coume la Cabridano avié segui lou regime dóu farmacian per agué enfin un mascle.

Mai lou sourire se caiè en desgaugnado quand lou dóutour ié expliquè pacientamen qu’avié  ren de segur, e tanben aquelo istòri de cromosoma X e Y. S’enseguié d’aquelo esplico qu’èro aquéu fan de puto de cromosoma Y que decidarié dóu sèxe e qu’aquéu putanié èro la countribucioun du paire solet...

N’èro espanta lou Cabridan. Se serié dounc arrouina en bistecaras large e espés que se pòu pas conta per la Cabridano ? Aquelo d’aqui aurié pres trento quilò e s’èro arrouinado la santa per un putaras de regime de… ? Baste !

E vaqui que lou moumen de verita èro enfin arriba.

S’envenié vèrs eu lo bailo, touto risoulièro, emé i bras lou ninet empaqueta dins uno servieto, i’afourtissent que tout s’èro ben passa.

Premié, esquihè la man souto la servièto lou Cabridan per veire se l’aucèu èro ben dins lou nis. O pas.

E aqui, aqui, lou couneguè SOUN moumen di requist, lou Cabridan. Ié èra, l’aucèu, de verai ié èro ! Èro un drollet, e un brave gaiard a en juga per la groussour de l’eisino ! En creguè de plora de jòio lou Cabridan...

Fins que si neurona aguèron descouda li rasoun que la Martino venié de prounouncia :

- Me vouguèsses ben larga lou pichot det me poudriéu ocupa de ta droulleto, Pèire...

[1] Sodium

Un moment de grâce

Le Pierre Cabridan s’efforçait de ne pas regarder les autres futurs papas qui attendaient dans la salle d’attente de la maternité. Pourtant on pouvait dire qu’il la connaissait bien cette salle d’attente, sa femme, la Cabridane, comme on l’appelait, attendait son septième enfant, et le regard des hommes novices en la matière auraient pu chercher chez lui un peu de réconfort. De fait, certains cherchaient son regard et tentaient un sourire, mais le Cabridan redoutait d’y lire une lueur malicieuse.

Il faut dire que le Cabridan était bien connu à Sant-Andrieu de Valfons. Pensez, il y était plombier, le seul plombier, et un bon plombier. (Qui n’avait visité le col du plombier quand il s’affairait sous un évier ?)

On savait aussi qu’il avait déjà six filles et que pour cela il se sentait atteint dans son image de mâle. Il voulait un fils !

Les Cabridan étaient selon les archives la plus vieille famille du village, mais ce Cabridan-là en était le dernier représentant (mâle) de Saint-Andrieu. On n’en comptait pas moins d’une douzaine, de Cabridan, sur le monument aux morts. La plus forte contribution de la commune à la grande boucherie de 14-18.

D’autres avaient quitté le village entre les deux guerres pour se faire ouvrier ou fonctionnaire en ville, et le lien entre eux et Sant-Andrieu s’était distendu, au point qu’on ignorait même s’ils étaient encore morts ou vivants, ni s’ils avaient des descendants.

Pour les autres, il y avait ceux qui étaient restés à Sant-Andrieu et n’avaient engendré que des filles, et ceux morts vieux garçons. Le nom se perdrait avec lui. Et ça le travaillait le Cabridan, et comme on savait que ça le travaillait on ne se gênait pas d’appuyer là où ça faisait mal.

Au point qu’il n’osait plus jouer à la pétanque depuis que Véran Rasclet, le directeur de la BMEPO (Banque Mutuelle d’Epargne Populaire Occitane) et mari de Viviane, l’institutrice, lui avait conseillé de changer de boules un jour où il avait raté un carreau, avec un tel ton gouailleur que chacun avait compris l’allusion et en avait ri.

Jusqu’au jour où François Mourre, le pharmacien, lui avait parlé d’un régime qui permettait aux parents de choisir le sexe de l’enfant venent.

Un régime riche en viande et en poisson, avec beaucoup de sodium. La Cabridane n’était pas emballée par la perspective d’une septième grossesse, mais en bonne catholique et en bonne épouse elle n’osa pas trop se plaindre. Le Cabridan fit donc le plein de conserves de sardines, de thons, de charcuteries diverses. En hors d’œuvre, pour la Cabridane, qui ensuite devait se taper un steak maous matin, midi et soir. Et le Cabridan insistait toujours pour qu’elle y ajoute du sel. Il ne lui restait plus ensuite qu’à œuvrer avec foi et ferveur pour que le régime et ses assauts donnent leur fruit.

Quand enfin le test de grossesse témoigna que le Cabridan ne s’était pas démené en vain, le couple prit rendez-vous auprès d’Henri Balandre, le médecin de famille. Ce dernier écouta patiemment l’homme expliquer, rayonnant, comment la Cabridane avait suivi le régime du pharmacien pour avoir enfin un garçon. Mais le sourire se figea en rictus quand le médecin lui expliqua patiemment que rien n'était sûr et aussi cette histoire de chromosome X et Y. Il résultait de cette explication que c’était ce fan de pute de chromosome Y qui déterminait le sexe et que ce putanier de chromosome était la contribution du seul père. 

Le Cabridan était atterré. C’est lui qui aurait dû suivre le régime. Il s’était ruiné en steak et la Cabridane, qui avait pris 30 kilos, s’était ruinée la santé pour un putain de régime qui n’avait servi à rien... Passons !

Et voilà que le moment de vérité était enfin arrivé. La Martine Coulandre, la sage-femme, s’avançait vers lui, toute souriante, le bébé dans les bras enveloppé dans une serviette, en lui affirmant que tout s’était bien passé.

La première chose que fit le Cabridan fut de glisser la main dans la serviette pour vérifier si l’oiseau était au nid. Ou pas.

Et là, là, il connut son moment de grâce le Cabridan. Il était là, l’oiseau, et bien là. C’était un garçon, et même un sacré gaillard vu la grosseur de l’engin. Le Cabridan crut bien en pleurer de joie.

Jusqu’à ce que ses neurones décodent les mots que la Martine venait de dire :

- Si tu voulais bien me lâcher le petit doigt, Pierre, que je puisse m’occuper de ta fille.

[1]Lo jet esquilhaire

[2] La sèxe tèipa

[3] Idem

Per tornar a la pagina “Somari de contes per totei”, clicar aquí

Per tornar a la pagina de Somari de Contes per adults, faceciós e urbans, clicar aquí