Grop Contes e istòrias en lenga nòstra, clicar aquí

Fugido d’Esterello, pèr Mistral, en escrituro mistralenco

A l’embruni, se pèr cop d’astre

Arrescountrave quauque pastre

E que ié demandèsse à beure un pau de la

Lèu, móusié sa plus bello fedo

E refusant touto mounedo

Entre-mitan de castagnedo

Me regardavo courre, estent, desparaula.

Òh me prenien pèr Esterello !

De-fes, coume uno encantarello

Seguido me vesiéu pèr un tropèu de loup

Que, proucessioun desagradanto

Me tenien pèd, goulo badanto

Coume de candèlo abrandanto

Lis iue lusènt dins l'ombra, e pauto de velout

 (…)

Aquesto baumo que m'abrigo

Di soleias de la garrigo

E mounte dins la niue dorme tranquilo ; e, tè,

Aquelo pichouna cisterno

Que lou trespir de la caverno

Emplis d’un aigo sempiterno

De planta la caviho aqui - tout me tentè

Vaqui li causo. Certo, vive

Proun duramen e fòrt me prive…

De roumaniéu-counièu[1] e d'amelon de pin,

D'arbouso que fan bono goulo

De pignen  jaune e meringoulo

A ma videto mendrigoulo

Sufison : me nourris de-rèsto lou charpin…

Fugida d’Esterèla, per Mistral, en escritura dicha classica

A l’embrunit, se per cop d’astre

Arrescontrave quauque pastre

E que ié demandèsse a beure un pauc de lach

Lèu, molziá sa plus bèla feda

E refusant tota moneda

Entre-mitan de castanhedas

Me regardava córrer, estench, desparaulat.

Òh me prenián per Esterèla !

De fes, come una encantarèla

Seguida me vesiáu per un tropèu de lops

Que, procession desagradanta

Me tenián pèd, gola badanta

Come de candèlas abrandantas

Leis uèlhs lusents dins l'ombra, e pautas de velot

 (…)

Aquesta bauma que m'abriga

Dei solelhàs de la garriga

E monte dins la nuèch dòrme tranquilla ; e, tè,

Aquela pichona cistèrna

Que lo trespir de la caverna

Emplís d’un aiga sempiterna

De plantar la cavilha aquí - tot me temptèt

Vaquí lei causas. Cèrtas, vive

Pron durament e fòrt me prive…

De romanièu-conilhèu[1] e d'amètlon de pin,

D'arboças que fan bona gola

De pinhenc  jaunes e de meringolas

A ma videta mendrigola

Sufison : me norrís de resta lo charpin…

La fuite d’Esterelle

À la brume, si par chance

Je rencontrais quelque pâtre

Et que je lui demande à boire un peu de lait

Vite, il trayait sa plus belle brebis

Et refusant toute monnaie

Au beau milieu des châtaigneraies

Me regardait courir, stupéfait, sans parole.

Oh on me prenait pour Esterelle[2] !

Parfois, comme une enchanteresse

Je me voyais suivie par une troupe de loups

Qui, procession déplaisante

Me tenaient pied[3], gueule grande ouverte

Comme des chandelles brûlantes

Les yeux luisants dans l'ombre et pattes de velours

Cette grotte qui m'abrite

Du grand soleil de la garrigue

Et où dans la nuit je dors tranquille ; et tiens

Cette petite citerne

Que le suintement de la caverne

Emplit toujours d'eau

De planter la cheville[4] ici - tout me tenta

Voici les choses. Certes, je vis

Assez durement et fort je me prive…

D'asperges sauvages et de petites amandes de pin,

D'arbouses qui font bonne bouche,

De lactaires jaunes et de morilles,

 A ma petite vie mesquine

Suffisent : je nourris plus qu’il n’en faut mon inquiétude

[1] Asperge sauvage

[2] Fée mythique, couronnée d’ortie.

[3] Cheminer à mon rythme (diccionari d’expressions e locucions occitanas)

[4] M’installer

Per tornar a la pagina Mistral, mercé de clicar aquí