Grop Contes e istòrias en lenga nòstra, clicar aquí

Remostranças dei biòus de la Camarga, per Mistral

a Mossur lo menistre de l'Interior

Morituri te salutant

Excellénci,

Per una circulari en data dau 4 de setembre 1873, avètz defendut lei corsas e combats de biòus[1], a l’estigança qu'aquel espectacle brut acostumava lei Provençaus a la vista dau sang e tendiá a’n’acarnassir lo pòble dau Miègjorn.

Aco’s totjorn la mema istòria : lei Provençaus son dei brutaus, son d’enrabiats, son de sauvatges. Sembla, de vos entendre, qu'an tuat paire e maire… Diriatz pas que lei Parisencs son d'eisemples de vertut ?

Come aquel arrestat nos pertoca grèvament, e come es aparent, Mossur lo menistre, que de maniacles e dei manefles nos an cargats auprès de vos e nos an acusats de crimes banaruts, venèm emé respèct, mai pasmens emé fòrça, - come conven en de braus negres - protestar contra vòsta dicha.

Car siam lei taurs de la Camarga, aquelei famós braus marins, aquelei celèbrei braus negres, que jamai a dondat òme que pòrta capèu, que batèm lo palun[2] desempièi que lo monde es monde e que pasturgaviam sus lei montilhas de la mar avans que Sant-Lazare e lei Santas-Marias aguèsson desbarcar sus la còstiera de Provença.

Nos acusan de barbariá, de brutalitge, de meichantisa. Demandatz-ié, a nòstei gardians, se jamai enbanam lei gents que nos fan ren ; demandatz ai Mireihas de la Camarga e de la Crau se nos arriba pas de manjar dins sa man lo tròç de pan signat o la flor de cabridela[3] ; entrevatz-vos ai cavalòts que paisson emé nautres dins la planura salancosa, se jamai i’avèm cercat renas e se lei blancs fedons jògan pas tranquilament emé nòstei vedèus negres.

Un aicí, un ailà, escampilhats per lo campestre, desbrotant plan-planet leis enganas grassetas, virant lei banas au giscle quand lo maistrau bofa, o ben esvedelats sota una tamarissa, nos contentam, Monsur, de regardar passar lo Ròse, en trasent de luènh en luènh quauque bram malenconieu.

Solament, a la longa, aquela vidassa enuia… Mai quand vesiá lo langui nos faire badalhar, aiçà quand ven l'estiu, lo gardian a chivau acampava la manada e nos disiá : « Mei braus, s'anàviam faire una corsa, amondaut, en Provença ? Un pauc de romanatge vos escarrabilharà. »

E’ m’aquò lei plus fòrts, lei plus valents, se presentavan ; menaviam emé nos quauquei polidei vaquetas e lo dontaire[4] en tèsta, gasaviam dins lo Ròse, galois come de peis. Au galòp, dins la nuèch, come un escabòt de diables, poussejaviam sus lei camins. Veniam, a Tarascon a Bèu-Caire, a Barbantana, a Bolhargue, Aimargue, Estesargue, Massilhargue… Pertot onte anaviam èra una fèsta : lei biòus ! lei biòus ! lei biòus ! e totei, paures e rics, masclum e femelam, nos corrián a l’endavans en nos fasent la ben-venguda.

Òh ! lei bèleis abrivadas[5] que se donavan en Arle ! S'aviatz vist, Mossur lo menistre ! Aquí de fes que i’a, quatre o cinc cents cavalièrs, emé sei ficheirons[6] a l'arçon de la sèla, nos venián quèrre en palun. Pièi come nos arribaviam em’aquela nòbla escòrta, nos abrivavan a galòp sus l'esplanada de la Liça. Ah ! qu’aquò’ ra galant ! Lei biòus, lei cavalièrs, lei gardians e lo pòble, tot aquò tresanant, ardent, apetegat, preniá lo vanc ensems e borjonava autorn dei barris ; èra una revolunada, un escaufestre, una foliá que fasiá gaug de veire ! Tot lo monde aviá paur e totei volián i’èstre…

Mai lo plus bèu, Mossur, èra pièi dins leis Arenas. Es pas que non sachetz, Mossur lo menistre, que leis Arenas d'Arle e aquelei de Nimes, son estadas bastidas per faire córrer lei biòus. Ah ! come brilhaviam dins lei Arenas…

 « La pòrta es dobèrta :

L'esquina cubèrta

D'un vòu de varons,

La bèsti ferona

Sort de son androna

E part dins lo rond. »

 Mila amators, lei mai ardits, lei mai fenats, lei mai escarrabilhats nos environavan lèu per levar la cocarda. Mai lo flòc de ribans que portaviam ai banas, èra pas que que siegue de lo venir tocar.

 « Dins sa corsa adrecha

Un, de la man drecha,

I’arrapa la coa ;

Sus lo tafanari

Dau negre bestiari,

L'autre manda un còp. »

Aquí lei rasetaires, si que nos amusavan, quand nos lampavan davans en fasent lo raset[7] emé sa lambrusquiera !... Òh ! per fin que siguèsson, lei ternencs[8] de Camarga èran encara plus fins : aplantats au mitan de l'Arena, emé seis uèlhs lusents e sei banetas en mièja-luna, tenián tèsta, un solet, a tota l'escarrada…

Quand voliam farcejar, piei zòu ! a l'imprevista partiam sus lo molon, e, mon amic de Dieu ! lei faliá veire córrer aquelei bravei Provençaus ! Quau debanava d’aicí, quau morrejava d’ailà… Nos fasián viutar dau rire.

Es pas faus que de-fes quauque sauta-regòla o pataras de francilhòt reçaupiá son còp de bana ; mai aquò vau pas lo dire, e la fola cantava emé l'autbòi de Nimes :

 « S'aguèsse restat dedins son ostau

La bana dau biòu i’auriá pas fach mau »

 Verai que lei gardians, entre que nos vesián la canha, nos tancavan dins lo morre quauquei còps de ficheiron. Mai esternudaviam, nos lipaviam lo sang, e aquò revilhava come una sinsa de tabat.

Çò que i’aviá de laid, tenètz, sabètz çò qu'èra ! La corsa a la borgina[9]. E lei Tarasconencs èran fòrts per aquò. Ai banas nos estacavan una longa tortolhera, em’ aquò nos bandissián per lei carrièras de l'endrech, en nos tirant e peu-tirant e nos mestrejant emé la còrda.

D'autrei fes, Mossur lo menistre, - e vertadièrament aiçò ‘ra magnific, - la joinessa provençala nos veniá rendre visita sus lei bòrds dau Vaccarès[10].

Èra lei jorns de granda ferrada quand se tomba e se marca lei bovachons sauvatges. Un vièlh gardian qu'a de lectura, nos a dich qu'un nommat Cesar de Nosta-Dama parlava ansi d'aquela fèsta vers l'an 1600 :

« Dans la Camargue, des combats de taureaux sauvages se voient presque tous les ans aux ferrades des jeunes troupes, où coustumièrement toute la plus galante, brave et choisie noblesse de la cité se trouve. »

 Vesètz donc emé tot aquò, Mossur lo menistre, que lei combats e corsas de biòus, au liòc d'èstre de tuagents e de carnalatges, son au contrari de jòcs nòbles e d’eisercices masculins onte lei calinhaires venián se levar la rampa e s'acostumar au dangièr.

E ara, dimenches e fèstas, lo jovent, non sachent plus que faire de sa pèu, anarà s’estubar, beure de la verdala e se porrir lo còs dins lei cafès, lei turnas e lei tubets… Pièi, Mossur lo ministre, quand voudretz de bons sodards, leis anaretz cercar ; se volètz, dins l’Arabia.

Revenèm. Quant a nautre, la lei fai lo semblant de nos voler protegir, mai coneissèm l'estè[11]. Un còp que lei gardians nos podràn plus faire córrer, veirem, despietadós, arribar lei bochiers que nos ensucaràn leis uns après leis autres… Quand embanan un òme, acò’s la barbariá ; quand lei bochièrs nos tuan, es la civilizacion.

Qué lei biòus ros d'Auvèrnhe, - aquelei gargamèus que se laissan engraissar per vos fornir de carbonada - subigan un tau sòrt, se compren : es de bestiau. Mai nautrei, lei biòus negres, nos aprivadaravan pas… Es pas dich qu'una nuèch, braus, anobles, doblencs, ternencs[12], vacas, junegas, non cabussem pas totei dins la mar de Provença e non nadem vers Barcelona e vers Valença l'Espanhòla…

Benlèu nos negarem dins lo gof dau Lion ; mai, Mossur lo ministre, tant de fichut per totei ! Morituri te salutant. Per la bovina camarguenca :

Lo cascarelet

Remontrances des bœufs de Camargue

à Monsieur le ministre de l'Intérieur

morituri te salutant

Excellence,

Par une circulaire en date du 4 septembre 1873, vous avez défendu les courses et combats de bious[13], sur la suggestion que ce spectacle trivial accoutumait les Provençaux à la vue du sang et tendait à inculquer le goût de la chair au peuple du Midi.

C'est toujours la même histoire : les Provençaux sont des brutaux, sont des enragés, sont des sauvages, il semble, à vous entendre, qu'ils ont tué père et mère… Diriez-vous que les Parisiens sont des exemples de vertus ?

Comme cet arrêté nous concerne gravement, et comme il est évident, Monsieur le ministre, que des maniaques et des flagorneurs nous ont chargés auprès de vous et nous ont accusé de crimes cornus, nous venons avec respect, mais pourtant avec force, - comme il convient à des taureaux noirs - protester contre votre déclaration.

 Car nous sommes les taureaux de la Camargue, ces fameux taureaux marins, ces célèbres taureaux noirs, que jamais n'a dompté l’homme qui porte chapeau, que nous battons le palun[14] depuis que le monde est monde et que nous pâturions sur les dunes de la mer avant que Saint-Lazare et les Saintes-Maries eussent débarquer sur les costières de Provence.

On nous accuse de barbarie, de brutalité, de méchanceté. Demandez-leur à nos gardians si jamais nous encornons les gens qui ne nous font rien ; demandez aux Mireille de la Camargue de la Crau s’il ne nous arrive pas de manger dans leur main le morceau de pain signé où la fleur de cabridelle[15]; informez-vous auprès des petits chevaux qui paissent avec nous dans la plaine saline, si nous leur avons jamais cherché noise, et si les blancs agneaux ne jouent pas tranquillement avec nos veaux noirs.

Un par ici, un par là, dispersés dans la campagne broutant tout doucement les salicornes grassettes, tournant les cornes aux rafales quand le mistral souffle, ou bien avachis sous un tamaris, nous nous contentons, Monsieur, de regarder passer le Rhône, en jetant de loin en loin quelque brame mélancolique.

Seulement, à la longue, cette morne vie ennuie… Mais quand il voyait la mélancolie nous faire bailler, là-bas quand vient l'été, le gardian à cheval rassemblait la manade et nous disait : « mes taureaux, si nous allions faire une course, tout là-bas, en Provence ? Un petit pèlerinage vous dégourdira. »

Et avec ça les plus forts, les plus vaillants, se présentaient ; nous menions avec nous quelques jolies vachettes et le dountaire[4] en tête, nous traversions à gué le Rhône, joyeux comme des poissons. Au galop dans la nuit comme un troupeau de diables, nous soulevions la poussière sur les chemins. Nous allions à Tarascon, à Beaucaire, à Barbantane, à Bouillargues, à Aimargues, à Estezargues, à Marsillargues… Partout où nous allions c'était une fête : les bious ! les bious ! les bious ! et tous, pauvres et riches, hommes et femmes, nous couraient dessus en souhaitant la bienvenue.

 Oh les belles abrivades[16] qui se donnaient en Arles. Si vous aviez vu, Monsieur le ministre, quand parfois, quatre ou cinq cents cavaliers, avec leur trident à l’arçon de la selle venaient nous chercher au palun. Puis quand nous arrivions avec cette noble escorte, on nous lâchait au galop sur l'esplanade des Lices. Ah ! que cela était charmant ! Les bious, les cavaliers, les gardians et le peuple, tout cela impatient, ardent, excité, prenait l'élan ensemble et se bousculait autour des boulevards ; c'était un cyclone, un émoi énorme, une démence qui faisait plaisir à voir ! Tout le monde avait peur et tous voulaient y être…

Mais le plus beau, monsieur, c'était ensuite dans les Arènes. Ce n’est pas que vous ne sachiez pas, Monsieur le ministre, que les Arènes d'Arles et celles de Nîmes, ont été bâties pour faire courir les bious. Ah combien nous brillâmes dans les Arènes…

« La porte est ouverte :

Le dos couvert

D'un essaim de vermine

La bête farouche

Sort de son réduit

Et part sur la piste. »

Mille amateurs, les plus hardis, les plus forcenés, les plus dégourdis nous environnaient bientôt pour lever la cocarde. Mais le bouquet de rubans que nous portions aux cornes, ce n'était pas à n'importe qui de le venir toucher.

« Dans sa course adroite

L’un, de la main droite

Lui attrape la queue

Sur le fessier

Du noir bestiau

L'autre envoie un coup. »

Voici les raseteurs, Ah ce qu’ils nous amusaient quand ils nous filaient devant en faisant le raset[17] avec leur badine. Oh ! pour fin qu'ils fussent, les ternencs[18] de Camargue étaient encore plus fins : plantés au milieu de l’arène, avec leurs yeux luisants et leurs petites cornes en demi-lune, ils tenaient tête, un seul, à toute l'escouade…

 Quand nous voulions badiner, et bien zòu ! à l'improviste nous partions sur le tas, et, mon ami de Dieu ! Il fallait les voir courir ces braves Provençaux ! Qui envoyait les cornes par ci, qui poussait du museau par là… Ils nous faisaient nous vautrer de rire.

Ce n’est pas faux que parfois quelque saute-ruisseau ou maladroit de francillon reçut son coup de corne ; mais cela ne vaut pas la peine d’en parler, et la foule chantait avec le hautbois de Nîmes :

« S’il était resté à la maison

La corne du bioului aurait pas fait mal »

C'est vrai que les gardians dès qu'ils nous voyaient la flemme, nous tanquaient dans le museau quelques coups de trident. Mais nous éternuions, nous nous léchions le sang, et cela réveillait comme une prise de tabac.

Ce qu'il y avait de laid, tenez, vous savez ce que c'était ! La course à la bourgine[19] et les Tarasconnais étaient forts pour cela. Aux cornes on nous attachait une grosse corde, avec ça on nous lâchait par les rues de l'endroit, en nous tirant et houspillant et nous maîtrisant avec la corde.

D'autres fois, Monsieur le ministre, - et véritablement c'était magnifique, - la jeunesse provençale venait nous rendre visite sur les bords du Vaccarès[20].

C'était les jours de grande ferrade quand on fait tomber et qu’on marque les bouvillons sauvages. Un vieux gardian qui a de la lecture, nous a dit qu'un nommé César de Nostre-Dame parlait ainsi de ces fêtes vers l’an 1600 :

« Dans la Camargue, des combats de taureaux sauvages se voient presque tous les ans aux ferrades des jeunes troupes, où coustumièrement toute la plus galante, brave et choisie noblesse de la cité se trouve. »

Vous voyez donc avec tout ça, Monsieur le ministre, que les combats et courses de taureaux, au lieu d'être des tueries et des boucheries, sont au contraire des jeux nobles et des exercices masculins ou les amoureux venaient faire leurs preuves et s'habituer au danger.

Et maintenant, dimanche et fête, le jeune homme ne sachant plus que faire de sa peau, ira s’enfumer, boire de l'absinthe et se pourrir le corps dans les cafés, les taudis et les cabarets… Ensuite, Monsieur le ministre, quand vous voudrez de bons soldats, vous irez les chercher ; si vous voulez, en Arabie.

Revenons. Quant à nous, la loi fait semblant de vouloir nous protéger, mais nous connaissons l’estè[21]. Une fois que les gardians ne pourront plus nous faire courir, nous verrons, inexorablement, arriver les bouchers qui nous assommeront les uns après les autres… Quand on encorne un homme, c'est la barbarie ; quand les bouchers nous tuent, c'est la civilisation.

Que les bœufs roux d'Auvergne, - ces crétins qui se laissent engraisser pour vous fournir de la carbonade - subissent un tel sort, ça se comprend, c’est du bétail. Mais nous, les bious noirs, on ne nous apprivoisait pas… Il n'est pas dit qu'une nuit les taureaux, anobles, doblencs, ternencs[22], vaches, génisses, nous ne sautions pas tous dans la mer de Provence et ne nagions pas vers Barcelone et vers Valence l'espagnole…

Peut-être nous noierons-nous dans le golfe du Lion ; mais, Monsieur le ministre, fichu pour fichu pour tous ! Morituri te salutant. Pour la bouvine camarguaise :

 Le cascarelet

[1] Nom donné aux taureaux camarguais

[2] Terre d'alluvions au fond d'une vallée ou ancien marais littoral desséché, cultivé, généralement planté de vignobles

[3] Ester de Tripoli

[4] Bœuf dressé pour conduire le troupeau

[5] Du verbe abrivar, s’élancer

[6] trident

[7] Technique employée par les raseteurs pour faire charger le biòu

[8] Taureau de 3 ans

[9] Longue corde qu’on laisse pendre des cornes

[10] L'étang de Vaccarès est le plus vaste étang de la Camargue,

[11] Multiple sens, jeu de cartes, mourir en rapport avec la dernière levée de ce jeu, manière de s’y prendre, ou interjection pour faire arrêter les bêtes.

[12] Biòus d’un an, deux ans, trois ans

[13] Nom donné aux taureaux camargais

[14] Terre d'alluvions au fond d'une vallée ou ancien marais littoral desséché, cultivé, généralement planté de vignobles.

[15] Ester de Tripoli

[16] Du verbe abrivar, s’élancer

[17] Technique employée par les raseteurs pour faire charger le biou

[18] Taurillon de trois ans

[19] Grosse corde attachée ayx cornes du biou

[20] Le plus grand étang de la Camergue

[21] Multiple sens, jeu de cartes, mourir en rapport avec la dernière levée de ce jeu, manière de s’y prendre, ou interjection pour faire arrêter les bêtes.

[22] Taurillon de un, deux et trois ans.

Per tornar a la pagina Contes Mistral, Romanilha, Lo cascarelet, clicar aquí