Grop Contes e istòrias en lenga nòstra, clicar aquí

Batisto Bonnet, Nascu lo 22 de febrièr de 1844 a Bello-Gardo (Gard) e mort a Nime lo 5 d'abril de 1925.

Lou païsan, de Batisto Bonnet, en escrituro mistralenco

Devèn èstre fièr e nous crèire, dins nosti misèri, milo fes mai urous que quente ciéutadin que siegue. A nautre, tòuti lis ourizount dóu mounde. A nautre, lis espectaclóusi primo-aubo, li leva e li coucha dóu souleu ! Lou gèu, la nèu, li plouvino, li cop de vènt, li trounado en liogo de nous ananqui, nous rèndon fort. Es eli que nous fan ço que sian, toujour lèst, toujour preste à defèndre lis ome contro la fam en tabassant la terro. Lis ome nous escupisson subre, pau nous enchau. Sian toujour li meme, nautre levan lou matin quand eli dormon ; mountan nòstis araire, nòsti còutrier, nòsti charruio, em’acò dau ! Es en cantant, en siblant, que fasèn nòsti reviro-biòu ; es en siblant, en cantant, que daman nòstis obro. E quau i’a de plus urous que nautre ? Cerquès pas, mis ami, que perdrias vòste tèms. Ah ! podon ié veni li rèi, lis emperaire emé tout soun lùssi ! Restaran pas mau en cavilho emé nòsto vido. Eh ! fouche, dequé i’a de plus bèu, de mai grand, de veire dins touto sa loungour fuma nosti rego. Avès pas arremarca la bono óudour que mounto de la terro boulegado au soulèu. Poudès creire que, de-fes, me fasès ben plesi quand vous vese, à la fin de la jouncho, segre dóu regard l’enlusimen que lou soulèu douna à vòsti cresten, dre coume de cordo. Es que sabon, eli, es que counèisson, es que coumprenon ço que i’a de vido dins uno mouto ? Ah ! S’èron pas ço que soun, coumprendrien ço qu’es lou bon païsan, sauprien que tèn la clau de la vido… Es eu que pèr soun sang, pèr sa forço, dèu recoungreia li forço vidanto de la nacioun.

Vivo lou païsan !

Lo Païsan, de Batista Bonnet, en escritura dicha classica

Devèm èsser fièr e nos creire, dins nòsti misèris, mila fes mai urós que quente ciutadins que siegue. A nautre, totei leis orizonts dau monde. A nautre, leis espectacloseis primas-aubas, lei levar e lei cochar dau soleu ! Lo gèu, la nèu, lei plovinas, lei còps de vent, lei tronadas en liòga de nos ananquir, nos rendon fòrts. Es elei que nos fan çò que siam, totjorn lèsts, totjorn prèstes a defendre leis òmes contra la fam en tabassant la tèrra. Leis òmes nos escupisson subre, pauc nos enchau. Siam totjorn lei memes, nautre nos levam lo matin quand elei dòrmon ; montam nòsteis araires, nòstei cotriers, nòstei charruias, em’aquò, dau ! Es en cantant, en siblant, que fasèm nòstei revira-biòu ; es en siblant, en cantant, que damam nòsteis òbras. E quau i’a de plus urós que nautres ? Cerquetz pas, meis amics, que perdriatz vòste temps. Ah ! pòdon ié venir lei reis, leis emperaires emé tot son lùssi ! Restaràn pas mau en cavilha emé nòsta vida. Eh ! foche, dequé i’a de plus bèu, de mai grand, de veire dins tota sa longor fumar nòstei regas. Avètz pas arremarcat la bona odor que monta de la tèrra bolegada au soleu. Podètz creire que, de-fes, me fasètz ben plesir quand vos vese, a la fin de la joncha, segre dau regard l’enlusiment que lo soleu dona a vòstei crestencs, drechs come de còrdas. Es que sabon, elei, es que coneisson, es que comprenon çò que i’a de vida dins una mota ? Ah ! S’eran pas çò que son, comprendrián çò qu’es lo bon païsan, sauprián que tèn la clau de la vida… Es eu que per son sang, per sa fòrça, deu recongreiar lei fòrças vidantas de la nación.

Viva lo paîsan !

Le paysan, per Baptiste Bonnet

Nous devons être fiers et nous croire, dans notre misère, mille fois plus heureux que quelque citadin qui soit. À nous, tous les horizons du monde. À nous les prodigieuses pointes du jour, les lever et les couchers de soleil ! Le gel, la neige, les gelées blanches, les coups de vent, les coups de tonnerre au lieu de nous abattre nous rendent forts. C'est eux qui nous font ce que nous sommes, toujours préparés, toujours disposés à défendre les hommes contre la faim en martelant la terre. Les hommes nous crachent dessus, peu nous importe. Nous sommes toujours les mêmes, nous, nous nous levons le matin quand eux dorment ; nous montons toutes nos charrues, et comme ça, en avant ! C'est en chantant, en sifflant, que nousfaisons notre premier sillon ; c'est en sifflant, en chantant, que nous damons nos œuvres. Et qui y a-t-il de plus heureux que nous ? Ne cherchez pas mes amis, vous perdriez votre temps. Ah ! ils peuvent venir les rois, les empereurs avec tout leur luxe ! Ils resteront pas mal en arrière avec notre vie. Eh ! fichtre qu'est-ce qu'il y a de plus beau, de plus grand, que de voir dans toute sa longueur fumer nos sillons. Vous n’avez pas remarqué la bonne odeur qui monte de la terre remuée au soleil. Vous pouvez croire que, parfois vous me faites bien plaisir quand je vous vois à la fin de la journée de labour, suivre du regard la luisance que le soleil donne à vos crêtes, droites comme des cordes. Est-ce qu'ils savent, eux, est-ce qu'ils connaissent, est-ce qu'ils comprennent ce qu'il y a de vie dans une motte ? Ah ! s’ils n’étaient pas ce qu'ils sont, ils comprendraient ce qu’est le bon paysan, ils sauraient qui tient la clé de la vie… C'est lui qui par son sang, par sa force, doit multiplier les forces vivantes de la nation.

Vive le paysan !

Per tornar a la pagina contes per totei, mercé de clicar aquí

Per tornar a la pagina autreis autors, mercé de clicar aquí