Grop Contes e istòrias en lenga nòstra, clicar aquí

Garda d'ivern, de J. d'Arbaud, en escritura dicha classica

Giblat sus son baston lusent d’euse o de frais,

Sei dos esclòps plantats dins la sansoira mòla,

Lo vièlh gardian virat vers lo vent-d'aut que mòla,

A seguit tot lo jorn lo fieu de son pantai;

Tot lo jorn ausiguèt l’esquerlas dei dontaires

Lei platèlas dei rossas e lo crid dau grinhon

Sensa auborar leis uèlhs a vist passar dins l'aire

Dei vòus de gabians gris e de grands galejons

Lei biòus amaigrasits desponchan leis enganas

Es l’error ! Vendrà lèu lo moment d'embarrar ;

Sus sei cotets pelós couchant sei longas banas

En morrejant, lei taurs braman de-vers l’ubac.

Eu sonja, en desplegant lo saquet de civada

Ai prats onte la bovina e lo cavalin blanc

Chaumavan sota lei sauses, ai jorns cauds d'estivada

E, siblant son chivau, sonja, lo vièlh gardian,

Ai trionfles d'estiu que, dintre lei muralhas

Abrivat dins lo pòble e, mau-grat lei gimblàs

Au crid dei filhas fòlas e dei bruns cadelàs,

Butava un revolum de biòus dins la batalha

Gardo d'ivèr (en escrituro mistralenco)

Gibla sus soun bastoun lusènt d’èuse o de frais,

Si dous esclop planta dins la sansouira molo,

Lou vièi gardian vira vers lou vènt-d'aut que molo,

A segui tout lou jour lou fiéu de soun pantai.

Tout lou jour ausiguè l’esquerlo di dountaire,

Li platello di rosso e lou crid dóu grignoun

Sènso auboura lis ieu a vist passa dins l'aire

Di vòu de gabian gris e de grand galejoun

Li biòu ameigrasi despounchon lis engano,

Es l’errour ! Vendra lèu lou moumen d'embarra ;

Sus si coutet pelous couchant si longo bano,

En mourrejant, li tau bramon de-vers l’uba.

Éu sounja, en desplegant lou saquet de civado,

I prat ount la bouvino e lou cavalin blanc

Chaumavon sout li sause, i jour caud d'estivada

E, siblant soun chivau, sounjo, lou vièi gardian,

I triounfle d'estiu que, dintre li muraio

Abriva dins lou poble e, mau-grat li giblas

Au crid di fiho folo e di brun cadelas,

Butavo un revoulun de biòu dins la bataio.

Garde d’hiver

Courbé sur son bâton luisant d’ieuse ou de frêne

Ses deux sabots plantés dans la sansouire[1] molle

Le vieux gardian tourné vers le vent d'automne qui mollit

A suivi tout le jour le fil de son rêve

Tout le jour il entendit les cloches des dountaires[2]

Les clarines des chevaux et le cri de l'étalon

Sans élever les yeux il a vu passer dans l'air

Des vols de gabians gris et de grands hérons

Les bœufs amaigris épointent les salicornes

C'est le crépuscule ! Viendra bientôt le moment d'enfermer ;

Sur leur nuque pelue couchant leurs longues cornes

En pointant le museau les taureaux brament vers le nord

Lui songe, en dépliant le sac d'avoine

Aux près où la bouvine et les chevaux blancs

Se reposent sous les saules, aux jours chauds d’estivade[3]

Et sifflant son cheval, il songe, le vieux gardian

Aux triomphes d'été où, entre les murailles

Propulsé dans le peuple et malgré les bâtons

Aux cris des filles folles et des bruns adolescents,

Il lançait un tourbillon de bœufs dans la bataille

[1] Prés salés de Camargue

[2] Boeufs dressés pour guider les autres

[3] Période d’été

Per tornar a la pagina consacrada a Jousèp d'Arbaud, clicar aquí