Grop Contes e istòrias en lenga nòstra, clicar aquí

Matin, d'Aubanel, en escrituro mistralenco

(Teoudor Aubanel, estampaire e pouèta, nascu lou 26 de mars de 1829 e mort lou 2 de nóuvèmbre de 1886 en Avignoun)

Durbènt vòsto gènto fenèstro

Madamisello, lou matin

Escoutas la cansoun campèstro

Dis aucèu de voste jardin.

Canton e volon dins li branco ;

Sa cantadisso vous fai gau.

Ènterin, sus vosto man blanco

Voste bèu front se clino un pau.

Semblo d’abord que quaucun parlo

Dins lou bousquet founs e ramu :

Es lou canta de la bouscarlo

Qu’acoumenço quand tout es mut.

Sus li téule, un grand brut d'aleto ;

Semblo, de-fes, que quaucun ris :

Vaqui li foli dindouleto

Que jogon à l'entour di nis.

Deja la vivo couquihado

Jito soun crit e mounto lèu

Mounto béure l’escandihado

E l'enebriamen dóu soulèu.

S'ausis subran un cant tant tendre

Dóu mié de la baragno en flour,

Que tout fai pauso pèr entendre

 Aquéu cant de jòio e d'amour.

Matin, per Teodòr Aubanel

Durbent vòsta genta fenèstra

Madamisèla, lo matin

Escotatz la cançon campèstra

Deis aucèus de vòste jardin.

Cantan e vòlan dins lei brancas ;

Sa cantadissa vos fai gaug..

Enterin, sus vòsta man blanca

Vòste bèu front se clina un pauc.

Sembla d’abòrd que quauqu'un parla

Dins lo bosquet fons e ramut :

Es lo cant de la boscarla

Qu’acomença quand tot es mut.

Sus lei teules, un grand bruch d'aletas ;

Sembla, de fes, que quauqu'un ritz :

Vaquí lei fòlei dindoletas

Que jògan a l'entorn dei nis.

Deja la viva coquilhada[1]

Gita son crit e monta lèu

Monta beure l’escandilhada

E l'enebriament dau solèu.

S'ausís subran un cant tan tendre

Del mièg de la baranha en flor,

Que tot fai pausa per entendre

Aqueu cant de jòia e d'amor.

Matin, per Aubanel

Ouvrant votre charmante fenêtre

Mademoiselle, le matin

Écoutez la chanson champêtre

Des oiseaux de votre jardin.

Ils chantent et volent dans les branches ;

Leur symphonie vous réjouit.

Pendant ce temps sur votre main blanche

Votre beau front s'incline un peu.

Il semble d'abord que quelqu'un parle

Dans le bosquet profond et touffu :

C'est le chant de la fauvette

Qui commence quand tout est muet.

Sur les tuiles, un grand bruit d'ailettes ;

Il semble, parfois, que quelqu'un rit :

Voici les folles hirondelles

Qui jouent à l'entour des nids.

[1] Alouette huppée

Per tornar a la pagina contes per totei, mercé de clicar aquí

Per tornar a la pagina autreis autors, mercé de clicar aquí