Grop Contes e istòrias en lenga nòstra, clicar aquí

Lo tondeire, per Lo Cascarelet.

Diluns passat a Cavalhon, Tito lo cira-bòtas, tondeire, comessionari e tot ço que voudretz, vanegava sus lo cors per ganhar la peceta sensa susar.

Tot a-n-un còp vai avisar, sus lo banc, Mossur Veran que penecava, ajocat, lo mentón sus son bastón, em’un chin barbòcha, negre, pelós, alongat tocant eu.

E nòstre tondeire de faire a Mossur Veran :

- Lo tondèm lo chin ?

- Tondem-lo, vèn Mossur Veran, sensa garar son menton de dessüs son baston. E zòu! Tito pausa sa caisseta, tira lei cisèus, aganta lo chin e chi-cha, vague de l’adobar lo peu.

- Aura pas tant caud ansi, pareis, mossur ? N’èra pas de lussi, botatz !

- Ben segur !

- Ié fasèm la coa ? – Fasem-ié la coa !

- Ié fasèm lei mostachas ? – Fasem-ié lei mostachas !

- Ié fasèm lei patas ? – Fasem-ié lei patas !

L’obra acabada, Tito lacha lo cadèu que landa en s’esposant lei nieras.

- Es trenta sòu emé la coa e lei mostachas, mossur !

- Siátz un bon òme ! Vos garatz pas de la reson ; diaussi vau ben acò.

- Me fai plasir que siguetz content, mossur ! E Tito apara la man.

- Content ? Ieu ? Que m’enchau ? Es pas mieu aqueu chin !

- Come ? Es pas vòstre ? E de quau es donc ?

- Lo crese de Mossur lo jutge de patz que l’autre jorn me disiá en parlant de son chin : “Lo fariáu pas tondre quand me balharián un escut, autant l’atrove polit emé son lòng peu frisat, autant me maucorariá de lo veire rasclat come fai en tant de chin aqueu fenhant, aqueu gasta-mestier de Tito”.

Nòste tondeire en ausent acò s’empachusclèt sensa demandar son resta.

Le tondeur, par Lo cascarelet

Lundi passé à Cavaillon Tito le Cire-Bottes, tondeur, commissionnaire et tout ce que vous voudrez, allait et venait sur le cours pour gagner la piécette sans suer.

Tout à coup il avise sur le banc monsieur Veran qui sommeillait, juché, le menton sur son bâton avec un chien barbet, noir, velu, allongé à côté de lui.

Et notre tondeur de faire à Monsieur Veran :

- On le tond le chien ?

-  Tondons-le, lui dit Monsieur Veran sans enlever son menton de dessus son bâton.

Et Zòu ! Tito pose sa caissette, tire les ciseaux, attrape le chien et chi-cha, de lui arranger le poil.

-  Il n'aura pas tant chaud ainsi, n’est-ce pas, monsieur ? Ce n'était pas du luxe fichtre !

- Bien sûr !

- On lui fait la queue ? – Faisons-lui la queue !

- On lui fait les moustaches ? -  Faisons-lui les moustaches !

- On lui fait les pattes ? – Faisons-lui les pattes !

L'ouvrage fini, Tito lâche le chien qui décampe en se secouant les puces.

- C’est trente sous avec la queue et les moustaches, monsieur.

- Vous travaillez bien. C’est raisonnable. Diantre ça vaut bien ça.

 - Ça me fait plaisir que vous soyez content, monsieur !  Et Tito tend la main.

- Content ? Moi ? Et que m'importe ? Il n’est pas mien, ce chien !

 - Comment ? Ce n’est pas le vôtre ? Et à qui est-il donc ?

- Je le crois à Monsieur le juge de paix qui l'autre jour me disait en parlant de son chien : « Je ne le ferais pas tondre quand bien même on me donnerait un écu, autant je le trouve joli avec ses longs poils frisés, autant ça me ferait peine de le voir tondu comme fait à tant de chiens ce feignant, cet incapable de Tito ».

Notre tondeur en entendant ça décampa sans demander son reste.

Per tornar a la pagina Contes Mistral, Romanilha, Lo cascarelet, clicar aquí