Grop Contes e istòrias en lenga nòstra, clicar aquí

L’afogat

(en grafi dicha normalisada)

Es lo grand jorn, lo jorn tant esperat que lo “Nimes Olimpic” afronta lo “Montpelhièr Erau Espòrt Club” en finala de copa de França de fotbòl. E pas onte que siègue, a l’estadi de França, a Sant-Danís. Son estats naulejats dempuèi Montpelhièr e Nimes dei trens especiaus, dirècts fins a París, avans que de caravanas de carris voiden lei partisans au pè de l’estadi. Es fòrça simple, se son vendudas en 24 oras sus Internet leis quatre vint mila plaças d’assetadas. E totei son ocupadas a quauquei minutas de la siblada de la debuta de la partida. Totei ? Non, en resta una vacanta entre un tiponet de Sant-Andrieu de Valfons e lo grand Mòmò dau Camin Bas d’Avinhon[1] venguts sostenir Nimes.

Ié fai tifa-tafa la lenga au grand Mòmò desempuèi una passada, e fin finala se penja vèrs lo tiponet e ié ditz :

- Vas-i, quin damatge aquela plaça liura entre nosautrei, walah.

- Òh, i a pas ren de susprenent respond lo tipotonet, es aquela de la femna.

- Òh pecaire, a pas pogut venir la femna ?

- Se pòt dire aquò. Quant nos aimaviam totei lei dos e quant aimaviam lo fotbòl. Aviam tant somiat d’una finala Nimes Montpelhièr. Pensatz, aquò s’es pas vist desempuèi lo 14 d’abril de 1996. E puèi vaquí que m’a fach un AVC e qu’es mòrta, la femna.

- Pecaire...

E lo grand Mòmò ajusta :

- L’auriatz poguda donar a quauqu’un, la plaça. Un amic, un parent, un de vostreis enfants...

- Ié ai ben pensat, ditz lo tipotonet, mai son toteis a l’enterrament.

L'afouga, en grafi mistralenco

Es lou grand jour, lou jour tant espera que lou “Nime Olimpic” afrounto lou “Mountpehièr Erau Esport Club” en finalo de coupo de Franço de foutbol. E pas ounte que siègue, a l’estadi de França, a Sant-Danis. Soun esta nauleja dempièi Mountpelhièr e Nime di tren especiau, dre fin a Paris, avans que de caravano de carri verson li partisan au pèd de l’estadi. Es forço simple, se soun vendudo en 24 ouro sus Internet li quatre vint milo plaço d’assetado. E touti soun oucupado a quauqui minuto de la siblado de la debuto de la partido. Touti ? Noun, en resto uno vacanto entre un tipounet de Sant-Andrieu de Valfouns e lou grand Momo dóu Camin Bas d’Avinhoun[1] vengu sous-teni Nime.

Ié fai tifo-tafo la lengo au grand Momo desempuèi uno passado, e fin finalo se penjo vèrs lou tipounet e ié dis :

- Vas-i, quin damage aquelo plaço libre entre nous, walah.

- Oh, i a pas ren de susprenent respound lou tipoutounet, es aquelo de la femo.

- Oh pecaire, a pas pougu veni la femo ?

- Se pòu dire aco. Quant nous aimavian touti li dous e quant aimavian lou foutbol. Avian tant soumio d’uno finalo Nime Mountpelhièr. Pensas, aquo s’es pas vist desempièi lou 14 d’abril de 1996. E pièi vaqui que m’a fa un AVC e qu’es morto, la femo.

- Pecaire...

E lou grand Momo ajusto :

- L’aurias pougudo douno a quaucun, la plaço. Un ami, un parènt, un de vostis enfants...

- I’ai ben pensa, dis lou tipoutounet, mai soun touti a l’enterramen.

[1] Quartier sensible de Nîmes.

Le tifosi

C’est le grand jour, le jour tant attendu où le Nîmes Olympique affronte le Montpellier Hérault Sport Club en finale de coupe de France de football. Et pas n’importe où, au stade de France, à Saint-Denis. Des trains spéciaux ont été affrétés depuis Montpellier et Nîmes, directs jusqu’à Paris, avant que des caravanes de cars déversent les supporters au pied du stade. C’est bien simple, les 80000 places assises se sont vendues en 24 heures sur Internet. Et toutes sont occupées à quelques minutes du coup de sifflet de début du match. Toutes ? Non il en reste une vacante entre un petit monsieur de Saint-Andrieu de Valfons venu soutenir Nîmes, et le grand Momo du chemin bas d’Avignon.

La question brule les lèvres du grand Momo depuis un moment, et finalement il se penche vers le petit monsieur et lui dit :

- Vas-y, c’est quand même dommage cette place libre entre nous, walah.

- Oh, ça n’a rien de surprenant répond le petit monsieur, c’est celle de ma femme.

- Oh putain con, elle n’a pas pu venir ?

- On peut dire ça. Qu’est-ce qu’on s’aimait tous les deux et qu’est-ce qu’on aimait le football. On en a tant rêvé d’une finale Nîmes Montpellier. Pensez, ça ne s’est pas vu depuis le 14 avril 1996. Et puis voilà qu’elle m’a fait un AVC et qu’elle est morte, ma femme.

- Peuchère, la pauvre...

Et le grand Momo ajoute :

- Vous auriez pu en faire profiter quelqu’un, de la place. Un ami, un parent, un de vos enfants...

- J’y ai bien pensé, dit le petit monsieur, mais ils sont tous à l’enterrement.

[1] Quartier populaire de Nîmes.

Per tornar a la pagina “Somari de contes per totei”, clicar aquí

Per tornar a la pagina de Somari de Contes per adults, faceciós e urbans, clicar aquí