Grop Contes e istòrias en lenga nòstra, clicar aquí

Delinquéncia vielhanchona

(en grafia dicha normalisada)

Vos pòde dire que l'Aufrèd Guidola en aviá son confle de la Teresa, sa femna, la Zeta come se disiá, que la Zeta, es eu que se la portava sus lo còu cada jorn desempuèi 50 ans, sustot qu'en aqueu temps èra pas rar que la femna demorèsse a l'ostau. Lo quitava donca pas jamai, gelosa deis autrei femnas qu'es ren de lo dire. Auriá vougut que la Zeta iè fotèsse la patz una passetoneta, meme un pichòt jorn, meme una pichòta ora…

E en vielhissent aviá virat la Zeta dins la delinquéncia vielhanchona, panant un culhièr dau cafè au cafeton de la comuna, tres pomas en cò de l'especièr… Pas grand causa, mai de qué vos porrir la vida vivanta. Èra en un temps que lei jutges èran plus sevèrs que vuèi, e aviá mai que mai abusat de paciéncia de son òme la Zeta, de l'especièr, dau boquier, de l’arpeta de la comuna, que se disiá encara garda campèstre e non “flic municipal”, e dau jutge… Un jutge a la moda vielha. En brèu, un jorn qu’èra encara estada arrestada la Zeta per “panatòri a la mòstra”, lo jutge decidiguèt de faire un eisemple e de la condemnar a una pena simbolica…

Ié diguèt lo jutge :

- Avètz donc raubat dei pelardons aquest còp d’aquí. Quant de pelardons ?

- 6, monsur lo jutge !

- Eh ben, diguèt lo jutge vos condamne a 6 jorns de preson.

Se levèt sobde l’Aufrèd, e demandèt la paraula.

- Vos n’en prègue, mossur Guidola, diguèt lo jutge, que pensiá que l'Aufrèd voliá plaidejar la cleméncia per sa femna.

- E ben, monsur lo jutge, l'onestetat m'obliga de vos dire que la Zeta aviá raubat tanben una consèrva de céser d'un quilò...

Delinquéncio vieianchouno, en grafi mistralenco. 

Vous pode dire que l'Aufrèd Guindoulet en avié soun counfle de la Tereso, sa femo, la Zeto coume se disié. Que la Zeto, es eu que l’avié sus lou cou cado journ desempièi 50 ans. Sustout qu'en aquéu tèms èro pas rar que la femo demourèsse a l'oustau. Lou quitavo dounc jamai, gelouso dis autri femno qu'es ren d’o dire. Aurié ben vougu que la Zeto iè foutèsse la pa una passetouneto, meme un pichot jour, meme uno pichoto ouro…

E en vieiissent la Zeto avié vira dins la delinquéncio vieianchouno, panant un cuié de cafè au cafetoun de la coumuno, tres poumo en co de l'especié…  Pas grand causo, mai proun per vous pourri la vido vivanto. Èro en un tèms que li juge èron plus sevèr que vuèi, e la Zeto avié mai que mai abusa de la paciéncio de soun ome, de l'especié, dóu bouquié, de l’arpeto de la coumuno (que se disié encaro gardo campèstre e noun “flic municipal”), e dóu juge… Un juge a l’anciano. En brèu, un jour que la Zeto èro encaro estado arrestado per “panatori a la mostra”, lou juge decidiguè de faire un eisemple e de la coundemna a uno peno simboulico…

Ié diguè lou juge :

- Avès dounc rauba di pelardoun aquest cop, madamo Guindoule. Quant de pelardoun ?

- 6, moussu lou juge !

- Eh ben, diguè lou juge vous coundamne a 6 jour de presoun.

Se levè soude l’Aufrèd, e demandè la paraulo.

- Vous en prègue, moussu Guindoulet, diguè lou juge, que pensié que l'Aufrèd voulié plaideja la cleméncio per sa femo.

- E ben, mounsu lou juge, l'ounestetat m'oubliga de vous dire que la Zeto, ela avié rauba tanben uno counsèrvo de cese d'un quilo...

Délinquance sénile

Il était une fois Monsieur et Madame Guidola. Et je peux vous dire que l’Alfred Guidola avait bien du mérite, parce que la Thérèse, ou la Zéte comme on disait, il se la fadait tous les jours depuis 50 ans, d’autant qu’en ce temps-là il n’était pas rare que la femme restât à la maison. Elle ne le lâchait jamais, confisquant sa paie, surveillant le moindre sou dépensé, jalouse des autres femmes que c’est peu de le dire. Il aurait voulu que la Thérèse le lâche un peu, même un jour, même une heure…

Et en vieillissant la Zéte avait versé dans la délinquance sénile, chapardant une cuillère à café par ci au bistrot du coin, trois pommes par là chez l’épicier. C’était en un temps où les juges étaient plus sévères qu’aujourd’hui et la Zéte avait abusé de la patience de son homme, de l’épicier, du boucher, de l’arpète de la commune, qu’on appelait encore garde champêtre et non flic municipal, et du juge… Un juge à l’ancienne. Bref un jour où la Zéte avait encore été arrêtée pour vol à l'étalage, le juge décida de faire un exemple et de la condamner à une peine symbolique…
Le juge lui dit :
- Vous avez donc volé des pélardons cette fois-ci. Combien de pélardons ?
- 6, monsieur le juge !
- Eh bien, dit le juge je vous condamne à 6 jours de prison.
A ce moment, le mari se leva et demanda la parole.
- Je vous en prie, monsieur Guidola, dit le juge en pensant que l’Alfred voulait plaider la clémence pour sa femme
- Et bien, monsieur le juge, l’honnêteté m’oblige à vous dire qu’elle a volé aussi une boite de pois chiches d’un kilo...

Per tornar a la pagina “Somari de contes per totei”, clicar aquí

Per tornar a la pagina de Somari de Contes per adults, faceciós e urbans, clicar aquí