Photo Malure d'Australie

Per tornar a la pagina de Somari de Contes e Novèlas, creacions Joan-Claudi Renós, clicar aquí

L’espepidonaire

Dégun sap pas pus son nom. Çò que se rebrembrèt, es que tre poder parlar, aqueu drollet aviá la tissa d'espepidonar :

- Arrèsta de cercar la pichòta bèstia, li disián sei gènts e sei amics !

I fasiá pas ren ! Qué que li diguèsse, finissiá qu’espepidonèsse, lo drollet. De mai, disiá a sei gènts :

- Quand serai grand, veiretz, l’anarai cercar de bòn, la pichòta bèstia. Veiretz, veiretz qu'un jorn, eh ben la trobarai !

A dètz e uèch ans, se gandiguèt vèrs Canadà, l’espepidonaire.

Se faguèt cercaire d'aur dins l'estat de Manitoba ! Visquèt demieg leis ors e lei vibres, caçant la salvatgina, pescant lo saumon. Au bot de dètz ans, un ser d'auton, belét la ribièra tintada de sang rajar entre dei bòscs d'agasts porpres, lei trochas gròssas coma la cuèissa sautar per agantar lei moscas e lei sautarèlas ambe de grands esclats robins, e se diguèt entre eu, l’espepidonaire :

- Ai cercat, cercat, siáu quasi vengut ors demieg leis ors, mai l'ai pas trobada, la pichòta bèstia !

A vint e uèch ans, se gandiguèt en America de Sud, l’espepidonaire trentenari.

Visquèt dins la pampa, ne venguèt lo proprietari mai ric. Au bot de dètz ans, un jorn coma cavaucava enfaciant leis Andes e qu’agachava l'èrba se coucar, venir marina, belèt lei nívols negres que s’escrachavan sus Aconcagua e la chavana que fondava sus eu. E se diguèt entre eu, l’espepidonaire trentenari :

- Ai cercat, cercat, siáu vengut lo proprietari mai ric de tota la pampa, mai l'ai pas trobada, la pichòta bèstia !

A trenta uèch ans, se gandiguèt en Africa, l’espepidonaire quarantenari.

Venguèt un especialista dei parlars mandingas. Lo diolà, lo bambarà, lo malinqués aguèron pas pus de secrèt per eu. Escriguèt de tèsis comparativas, venguèt Mandinga demieg lei Mandingas. Au bot de dètz ans, en contemplant lei libres qu'ocupavan lei quatre parets de sa bibliotèca, se diguèt entre eu, l’espepidonaire quarantenari :

- Ai cercat, cercat, siáu vengut Mandinga demieg lei Mandingas, lei parlars diolà, bambarà, malinqués an pas pus de secrèt per ieu, mai l'ai pas trobada, la pichòta bèstia !

A quaranta uèch ans, se gandiguèt per Austràlia, l’espepidonaire cinquantenari. Visquèt dins lo grand desèrt Victoria. Venguèt un especialista de malures - lei boscarlas australianas. Corrèt leis oasis, escriguèt de tèsis comparativas sus lo cant dei malures a tèsta faleta, dei malures a patas jaunas, dei malures a coa negra, dei malures a bòlas gròssas ! Au bot de dètz ans, en escotant lei malures zinzonular, en agachant lei cangorós sautar demieg lei eucaliptus nans, se diguèt entre eu, l’espepidonaire cinquantenari :

- Ai cercat, cercat, sabe reconéisser lo cant d'un malure a tèsta faleta, d'un malure a patas jaunas, d'un malure a coa negra, d'un malure a bòlas gròssas, mai l'ai pas trobada, la pichòta bèstia !

A cinquanta uèch ans, se gandiguèt en Birmania, l’espepidonaire seissantenari. Venguèt pirata. Aguèt fins a trenta batèus, tres cents òmes sota sei òrdres, quaranta femnas expèrtas a contentar lo mendre de sei desirs erotics, un palais grand que se pòt pas dire sus una illeta rocassuda, entre leis illas Préparis e leis illas Cocòs. Au bot de dètz ans, en belant sei quaranta femnas alangoritas a l'entorn d'eu, lei trenta batèus se balancejar au luènh, en la fenèstra, se diguèt entre eu l’espepidonaire seissantenari :

- Ai cercat, cercat, siáu vengut pirata demieg lei piratas, lo bèu primièr d'entre elei, mai l'ai pas trobada, la pichòta bèstia !

A seissanta uèch ans, se gandiguèt vèrs Tibet, l’espepidonaire vièlh. Venguèt monge. Trobèt la serenitat.

Un ser, qu'aviá adoptat la posicion de lòtus, que meditava nud, que lo cèu de jade se destrempava e veniá lachenc en careçant la tèrra, que lo soleu trescolant orlava d'un delicat cimossa daurat la siloeta de Niechen-Tanglha e de Transhimalaïa, que l'ombra dei gigants abocinats se fasiá espic, que lo darrièr rai abrandava lo darrièr contrafòrt ensolelhat, que la nèu d'aur rajava per mesclar seis aigas a lei dei brumas de vièlh evòri que montavan de vaus, qu'ausissiá avenar aperaiçabàs lo son deis esquelhons de iacs, lo dei pretintalhas deis emiones (leis ases asiatics), dau temps que lo cant dei trompas e dei molins de pregàrias i arribava dau monastèri, darrièr son esquina… (I a de moments, coma aquò, que se sap que Dieu existís !)

Eh ben, es aquí que l'a trobada, la pichòta bèstia, l’espepidonaire vièlh, en se gratant lei...

Le petit garçon 

qui cherchait la petite bête

(Création Joan-Claudi Toidibo Renòs)

Dégun ne sait plus son nom. Ce dont on se souvient, c’est que depuis qu’il était en âge de parler, ce petit garçon-là avait la manie de discuter.

- Arrête de chercher la petite bête, lui disaient ses parents, ses amis !

Sans succès ! Quoi qu’on lui dise, il fallait qu’il discutât. Mieux, il disait à ses parents, à ses amis :

- Quand je serai grand, vous verrez, j’irai la chercher vraiment, la petite bête. Vous verrez, vous verrez qu’un jour, eh bien je la trouverai ! 

À dix-huit ans, il partit pour le Canada. Il se fit chercheur d’or, dans l’état du Manitoba ! Il vécut parmi les ours et les castors, trappant, pêchant le saumon. Au bout de dix ans, un soir d’automne, en contemplant la rivière teintée de sang couler entre deux forêts d’érables pourpres, les truites grosses comme la cuisse sauter pour happer les mouches et les sauterelles avec de grands éclats rubis, il se dit :

- J’ai cherché, cherché, je suis presque devenu ours parmi les ours ; je ne l’ai pas trouvée, la petite bête ! 

À vingt-huit ans, il partit pour l’Amérique du Sud. Il vécut dans la pampa, en devint le plus riche propriétaire. Au bout de dix ans, comme il se tenait à cheval face à la cordillère des Andes, il vit l’herbe se coucher, devenir marine. Il contempla les nuages noirs qui se brisaient sur l’Aconcagua, l’orage qui fondait sur lui. Il se dit :

- J’ai cherché, cherché, je suis devenu le plus riche propriétaire de toute la pampa ; je ne l’ai pas trouvée, la petite bête ! 

À trente-huit ans, il partit pour l’Afrique. Il devint un spécialiste des parlers mandingues. Le dioula, le bambara, le malinké n’eurent plus de secret pour lui. Il écrivit des thèses comparatives, il devint Mandingue parmi les Mandingues. Au bout de dix ans, en contemplant les livres qui occupaient les quatre murs de sa bibliothèque, il se dit :

- J’ai cherché, cherché, je suis devenu Mandingue parmi les Mandingues, les parlers dioula, bambara, malinké n’ont plus de secret pour moi ; je ne l’ai pas trouvée, la petite bête ! 

À quarante-huit ans, il partit pour l’Australie. Il vécut dans le grand désert Victoria. Il devint un spécialiste des malures - les fauvettes australiennes. Il courut les oasis, écrivit des thèses comparatives sur le chant des malures à tête fauve, des malures à pattes jaunes, des malures à queue noire, des malures à grosses… boules ! Au bout de dix ans, en écoutant les malures zinzinuler, en regardant les kangourous sauter parmi les eucalyptus nains, il se dit :

- J’ai cherché, cherché, je sais reconnaître le chant d’un malure à tête fauve, d’un malure à pattes jaunes, d’un malure à queue noire, d’un malure à grosses… boules ; je ne l’ai pas trouvée, la petite bête ! 

À cinquante-huit ans, il partit pour la Birmanie. Il devint pirate. Il eut jusqu’à trente bateaux, trois cents hommes sous ses ordres, quarante femmes expertes à satisfaire le moindre de ses désirs érotiques, un palais immense sur un îlot rocheux, entre les îles Préparis et les îles Cocos. Au bout de dix ans, en contemplant ses quarante femmes alanguies autour de lui, les trente bateaux dodeliner, au loin, par la fenêtre, il se dit :

- J’ai cherché, cherché, je suis devenu pirate parmi les pirates, le premier d’entre eux ; je ne l’ai pas trouvée, la petite bête ! 

À soixante-huit ans, il partit pour le Tibet. Il devint moine. Il trouva la sérénité. Un soir, qu’il avait adopté la position du lotus, qu’il méditait nu, que le ciel de jade se délayait et devenait laiteux en caressant la terre, que le soleil couchant ourlait d’un délicat liséré doré la silhouette du Nyechen-Tanglha et du Transhimâlaya, que l’ombre des géants déchiquetés se faisait lavande, que le dernier rayon embrasait le dernier contrefort ensoleillé, que la neige d’or coulait pour mêler ses eaux à celles des brumes de vieil ivoire qui montaient des vallées, qu’il entendait sourdre tout en bas le son des clarines des yaks, celui des pretintailles des hémiones, pendant que le chant des trompes, des moulins à prière lui parvenait du monastère, derrière son dos… (Il y a des moments, comme ça, où on sait que Dieu existe !) Eh bien, c’est là qu’il l’a trouvée, la petite bête, en se grattant les... boules !

Et cric et crac, mon histoire est finie !

Per tornar a la pagina de Somari de Contes e Novèlas, creacions Joan-Claudi Renós, clicar aquí