Lo gardian, per Josèp d'Arbaud

L'endeman Testassa, a chivau, bon matin, s’entornèt a la manada, come peravans fasiá, per arrambar e faire virar lei bèstias e comencèt de cridar, a l'acostumada, en tirant sus lei mai escartadas, promièr :

- Oi ! Hohòu ! Regarda-lei, tei fenhants, regarda-lei, tei pedaç. Se son tròp tibats aquesta nuèch e, emé son ventràs ansi, pòdon plus levar un pèd davans l'autre. Hohòu, Oi ! Anem, zòu, avans !

E come, entre l’espinchar de galís en lo niflant, lei bèstias a-de-reng, s'acaminavan, Testassa se botèt a rire e auborèt son capèu per se gratar.

Mai s'encapèt, qu'un biòu, monte aviá virar son chivau, lo regardava venir sensa brandar. Autamben Testassa en se i'avançant a son aise, reprenguèt son parlament en seguida :

- Lo veses, aquel enfant de vaca ? Regarda-lo. Aqueu galant, lo faudrà belèu anar quèrre. Espèra un pauc. Te vau faire faire come se m'entendiás pas.

E redde, ié bombiguèt dessús, ié plantèt un còp de fèrre dins la figa, talament que lo biòu, sosprés, faguèt un saut sus plaça e se n’en levèt, dau temps que quauquei bèstias estraiadas fasián come eu, espavordidas dau tarabast, e, qu’a-cha-pauc, la manada, come antan, s'acaminava, arrambada, segond l'us : « Hohòu, Oi, Hòu ! »

E puèi, Testassa lei acampèt, ié faguèt prendre sa virada per paîs e lei menèt monte aviá de lei menar.

Aqueu jorn d’aquí, tot s'essent amaisat, lo gardian regardava la manada espandida que preniá la sopada. La teniá d’a-ment, assetat sus una autura, en se ventolant la tèsta e lo còu per se parar dei moissalas. Mai, sensa n'aver l'èr, eu escotava. E ausiguèt Pauc-parla lo dontaire que charrava emé la Vinhola, una vaca d'atge, en s'acaminant plan-planeta, en rasclant lo germe entre lei joncàs. Mai lei dos charraires èran luenh, Se parlavan a la chut-chut e ié fuguèt pas possible au gardian de n'en mai entendre.

Le gardian, per Joseph d’Arbaud

Le lendemain Testasse, à cheval, de bon matin, retourna à la manade, comme il faisait auparavant, pour rassembler et faire manœuvrer les bêtes et commença de crier, comme d’habitude, en fonçant vers les plus écartées, d'abord :

- Ouille, Hohou, Regarde-les, tes feignants, regarde-les, tes vauriens. Ils se sont trop gavés cette nuit et, avec leur gros ventre comme ça, ils ne peuvent plus lever un pied devant l'autre. Ouille, allons, zou, en avant !

Et comme, pendant qu’elles l’observaient de biais en le reniflant, les bêtes à la file, s'acheminaient, Testasse se mit à rire et souleva son chapeau pour se gratter.

Mais il s'avisa qu'un bœuf ; là où il avait fait manœuvrer son cheval, le regardait venir sans broncher. C’est pourquoi Testasse en s’avançant doucement reprit son monologue :

- Tu le vois, cet enfant de vache ? Regarde-le. Ce galant, il faudra peut-être aller le chercher. Attends un peu. Je vais te faire faire comme si tu ne m'entendais pas.

Et rudement, Testasse lui bondit dessus, lui planta un coup de fer dans le lobe du nez, tellement que le bœuf, surpris, fit un saut sur place et s’en leva, du temps que quelques bêtes effrayées faisaient comme lui, épouvantées du vacarme, et, peu à peu, la manade, comme autrefois, s’acheminait, rassemblée, selon l'usage : « Hohou, Ouille, Hou ! »

Et puis, Testasse les rassembla, les fit manœuvrer par affinité et les mena où il devait les mener.

Ce jour-là, tout s’étant apaisé, le gardian regardait la manade étendue qui prenait le souper. Il la surveillait assis sur une hauteur en s’éventant la tête et le cou pour se protéger des moustiques. Mais, sans en avoir l’air, il écoutait. Et il entendit Taciturne le meneur qui parlait avec la Vignole, une vache d’expérience, en s’acheminant doucement, tout en raclant l'herbe entre les joncs. Mais les deux causeurs étaient loin, Ils se parlaient en sourdine et il ne fut pas possible au gardian d'en entendre plus.