Grop Contes e istòrias en lenga nòstra, clicar aquí

A mon grand, de Marcèu Bonnet

(Marcèu Bonnet, poèta e secretari de la comuna de Sant-Remieg-de-Provença, onte nascut lo 26 d'agost de 1922 e onte morèt lo 25 de junh de 2007)

Dessota lo grand rore, a la raja dau temps,

me siáu vengut pausar, long dau gaudre, sovent.

La cala qu'ai trobada a l'òrle de la còla

en davans dei ròcas onte l’aura ié mola,

de soleu a soleu m'a de longa assolat

Lei cremors de la vida e dau sang, lei tuerts, la

macadura, lei paurs, leis espaimes - lei vòle

pas mai comptar que ço que son, ni leis amole

per trafigar mon còr e ma carn e mei jorns.

De-longa au rajeiròu que tant menut s'escor

 ai pron begut per me ié refrescar lei bocas

- e pron me siáu emplit dei fruchas de la soca

e pron me siáu vonhut a l'aur deis olivièrs.

Ni deis avaniments, e ni dei cativiers

non me siáu enchautat quand ère a ta cabana

e mon cant es un cant de la mena pagana,

que vòle res negar deis òmes que m'an fach,

dei femnas qu'an portat, qu'an noirit, qu'an caufat

lo grand entantoulàs que vòu plegar ni tòrcer

ni rompre lo malhòu per tant que l’òm ié fòrçe.

Mon grand, tu que per ieu, tre lo promièr matin,

de tei dos braç galhards m'as ensarrat dedins,

e que m'as aleiçonat ren qu'emé ton exemple

sans m'aguer jamai menat dins d'autrei temples

que lei de ta natura e de tei pensaments,

just emé ta pèu rufa en biais d’encartament

basta que faguèsse ieu tot çò qu'as pogut faire !

E basta a ta lausor, ò paire de ma maire !

aduguèsse au trelutz tant coma a mon tremont,

Per l'onor de ta vida em’aqueu de ton nom,

Lo brot de ferigola en sovenença neta

tant que poudrai badar sota l'ombra calheta !

À mon grand

Sous le grand chêne, à la guise du temps,

je suis venu me poser, le long du torrent, souvent.

L'abri que j'ai trouvé à l’orée de la colline

devant de grands rochers où le vent y mollit,

de soleil en soleil m’a de longue consolé.

Les brûlures de la vie et du sang, les heurts,

la meurtrissure, les peurs, les agitations - je ne veux

les compter plus que ce qu’ils sont, ni je ne les éteins

pour traverser mon cœur et ma chair et mes jours.

De longue au ruisseau qui tant menu s'écoule

j'ai assez bu pour m'y rafraîchir les lèvres

-  et suffisamment me suit empli des fruits de la souche

et suffisamment me suis tâché à l'or des oliviers.

Ni des événements, ni de l'adversité

je ne me suis soucié quand j'étais dans ta cabane

et mon chant est un chant de l'espèce païenne

dont je ne veut rien nier des hommes qui m'ont fait.

des femmes qu’ont porté, qu'ont nourri, qu'ont chauffé

le grand enfant qui ne veut plier ni tordre

ni rompre la jeune vigne pour autant qu'on l’y force

Mon grand, toi qui pour moi, dès le premier matin,

de tes deux bras gaillards m'as enserré dedans

et qui m'as conseillé rien que par ton exemple

sans m'avoir jamais mené dans d'autres temples

que ceux de ta nature et de tes soucis

Juste avec ta peau ridée en guise de charte

pourvu que je fasse moi tout ce que tu as pu faire !

Et il suffit à ta louange, oh père de ma mère !

que j’apporte au crépuscule tout autant qu’au mien

pour l'honneur de ta vie et celui de ton nom

le brin de thym en souvenir propre

tant que je pourrai rêvasser à l'ombre (fraîche ?) !

Per tornar a la pagina contes per totei, mercé de clicar aquí

Per tornar a la pagina autreis autors, mercé de clicar aquí