Grop Contes e istòrias en lenga nòstra, clicar aquí

Un besonh que cocha

(grafi classica)

Se pòu pas dire que la Monica èra quauqu'un de desagradiu mai se cresiá de la nauta e preferissiá usar de metafòras e de metonimias pusleu que dire lei causas per son nom. Alòrs dins la familha quand se parlavan dei besonhs naturaus, lo fasián d’un biais allusiu e desviat.

E un jorn que lo Paulet, son fiu, aviá reclamat “pisson” davant deis amics, la Monica ié venguèt a despart :

- Mon catonet, aquela mena de causas, lei pissons, lei cacàs, tot aquò regarda degun, alòrs quand vòles faire ton pissonet diga-me “Mamà, vòle cantar”, e comprendrai.

Mai un jorn que la Monica aviá fisat son fiu ai grands paternaus sensa ié parlar d'aquela istòria de pisson e de cacàs, lo Paulet aguèt la nuech una gròssa enveja de pissar. Se levèt doçament e intrèt dins la cambra dau papet e de la mameta, brandiguèt la mameta e iè diguèt :

- Mameta, vòle cantar.

- Aquò's pas possible mon polidet, espèra deman.

- Mai deve cantar. Ara, Mameta.

- Bon d'acòrdi, mai per pas desvelhar ton papet, canta-me a l’aurelha.

Un besoun que coucho (grafi mistralenco)

Se pòu pas dire que la Mounico èro quaucun de mau-graciousa mai se preniè per uno dono dóu gros grum e preferissié li bestour lengagé pusleu que de parla dret . Alor dins la famiho quand se parlavon di besoun naturau, o fasien d’un biais desvira.

E un jour que lou Paulet, soun fiéu, avié reclama “pissoun” davans dis ami, la Mounico ié venguè a despart :

- Moun catounet, aquelo meno de causo, li pissoun, li caca, tout aco, aco regarda pas lo mounde. Alor quand vòles faire toun pissounet digo-me “Mama, vòle canta”, e coumprendrai.

Mai un jour que la Mounico avié fisa soun fièu i grand paternau sèns ié parla d'aquelo istòri de pissoun, la nieu Paulet aguè uno gròsso envejo d’escampa d’aigo. Se levè douçament e intrè dins la cambro dau papet e de la mameto, brandiguè la mameto e iè diguè :

- Mameta, vòle canta.

- Aquò's pas poussible moun poulidet, canton pas la nieu. Dorme !

- Mai per dourmi deve canta, Mameta.

- Bon d'acòrdi, mai per pas desveia toun papet, canto-me a l’auriho…

Un besoin pressant

On ne peut pas dire que c’était quelqu’un de désagréable que Monique Mourre, la femme du pharmacien de Saint André de Valfons. Mais elle faisait partie de ces gens qui n’ont pas l’habitude d’appeler un chat un chat et quand le petit Paul ressentait le besoin de satisfaire un besoin naturel et qu’il sollicitait son aide, elle ressentait une gène quand c’était un public. Aussi un jour que le petit Paul avait réclamé “pipi” devant des amis de la famille, la Monique le prit à part et lui dit :

- Mon chéri, ce genre de choses ne regarde que nous, alors quand tu as envie de faire pipi tu n’as qu’à me dire “Maman je veux chanter”, et je comprendrai.

Mais Monique avait oublié de mettre sa belle-famille dans la confidence. Aussi un jour où elle avait confié le petit Paul à ses beaux-parents pour la nuit, le petit Paul ressentit cette nuit-là l’envie de faire pipi, il se leva donc doucement et entra dans leur chambre. Là il secoua sa grand-mére et lui dit :

- Mamie, je veux chanter.

- Ça n’est pas possible mon chéri, attend demain.

- Mais je veux chanter Mamie.

- Bon d’accord, mais pour ne pas réveiller ton grand-père, approche-toi de mon oreille.

Per tornar a la pagina “Somari de contes per totei”, clicar aquí

Per tornar a la pagina de Somari de Contes per adults, faceciós e urbans, clicar aquí